Rashmirathi (रश्मिरथी )

Iss saral-seedhe kavya ko bhi kisi bhumika ki jarurat hain, aisa mein nahi manta; magar, kuch na likhu to ve pathak jara udas ho jayenge jo mool pustak ke padane mein hath lagane se purav kisi-na-kisi purvabhas ki khoj karte hain. Yo bhi, harr cheez ka kuch-na-kuch itihas hota hain aur Rashmirathi namak yah vinarm kriti bhi iss niyam ka apvaad nahi hain.
Baat yah hain ki Kurushetra ki rachna karr chukne ke baad hi mujhme yah bhav jaga ki main koi aisa kavya bhi likhu jisme keval vicharotejakta hi nahi, kuch katha-sanvad aur varnan ka bhi mahatmaya ho. Sapasht hi yah uss moh ka udgar tha jo mere bheetar uss parampara ke prati maujud raha hain jiske sarvshreshth pratinidhi rashtrakavi Shree Mithilisharan Guptaji hain. Iss parampara ke prati mere bahut-se sahdharmiyo ke kya bhav hain, isse mein aprichit nahi hu. Mujhe yah bhi pata hain ki jinn desho athava dishao se aaj hindi-kavya ki prerana parcel se, maul ya udhar, mangayi ja rahi hain, vaha katha-kavya ki prarampara nishesh ho chuki hain aur jo kaam pahle prabandh-kavya karte the vahi kaam ab bade maje mein, upanyas karr rahe hain.